Adun ti nangpaneknek nga iti ayat ket awan ti pilpilienna nga edad wenno ti kunada a “Love knows no age.”
Maysa kadagitoy ti paka-istoryaan ti panagayat da Nilo ken Bonie nu sadino agtawen paylaeng ni Nilo ti sangapulo idi na-love at first sight kenni Bonie nga addaan iti edad a 42.
Iti dayta a panawen, nagbalin a saksi ni Nilo iti biyag ni Bonie nu kasano a naaddaan daytoy ti siyam nga anak iti daydi asawana.
Binarkada met ni Nilo dagiti anak dagitoy tapno makitana laeng ni Bonie ngem kas panangrespeto iti relasyon dagitoy ket saanna nga impakaammo ti panagayatna kenkuana.
Tawen 2005, idi na-heart attack ti asawa ni Bonie ken ditoy a dinanggayan ni Nilo.
Iti panaglabas ti panawen, napagdesisyonan ni Nilo nga aremen ni Bonie iti edadna a 24-anyos.
Nupay kasta, saan nga inkankano ni Bonie ti panagayat daytoy gapu ta ubing la unay ni Nilo.
Ngem kalpasan ti tallo a tawen a panaguray ni Nilo ket sinungbatan metlaeng daytoy ni Bonie rason nagkasar dagitoy.
