Nangiruar ti Land Transpotation Office (LTO) iti show cause order iti maysa kadagiti popular a motorcycle vlogger gapu iti nagviral a road rage incident a napasamak sadiay Zambales.
Sigun kenni LTO Chief, Assistant Secretary Atty. Vigor Mendoza II, nasken nga ilawlawag ni Yanna no apay a nasken a saan a masuspindir wenno marevoke ti lisensyana.
Kinuna ni Atty. Mendoza a nabayag nga ipalpalagipda kadagiti motorista nga awan ti nasayaat nga epekto iti panagpipinudot iti ulo iti kalsada.
Innayon pay ni Atty. Mendoza a kas vlogger ket rumbeng nga agbalin daytoy a responsable no sadino aramatenna ti platform daytoy iti panangitandudo iti responsible driving ken road safety.
Maibasar iti nagviral a video, nakita ti panag-middle finger ti vlogger ken dagiti saan a nasayaat a pannaritana.
Kinumpronta daytoy ti driver ti pick-up ngem mas ininsulto daytoy ni Yanna.
Kabayatanna, kinuna ni Department of Transportation Secretary Vince Dizon nga agtultuloy ti pananglabanda kadagiti kadagiti reckless drivers ken kadagiti irresponsible drivers.
Iti laksid met a nagkiddaw iti pamakawan ti vlogger ket agtuloy ladta ti imbestigasyon iti nasao a road rage.
