RIZAL, KALINGA – Naideklara kas Insurgency Free ti masakupan ti Rizal Municipal Police Station sadiay Rizal, Kalinga.
Iti interview ti Bombo Radyo kenni PCpt. Julio Salibad, dadaulo ti Rizal MPS, awanen dagiti communist-terrorist group ken dagiti aktibidad nga isaysayangkatda iti masakupan dagitoy manipud idi napan a tawen.
Daytoy ti rason ti panakaideklara ti nasao a lugar kas insurgency free ita laeng a tawen.
Nupay kasta, impasigurado ti opisyal nga agtultuloy ti ar-aramidenda nga anti-insurgency campaign ken programs tapno mapagtalinaed ti kinatalged dagiti umiti iti baet nga awanen ti aniaman a kita ti aktibidad dagiti makannigid a grupo sadiay.
Iti agdama, kinuna ni PCapt. Salibad a mangisaysayangkat ti Rizal MPS ti Information dissemination campaigns kadagiti babbarangay iti masakupanda kangrunaan dagiti nasusulinek a lugar.
Mangipapaay dagitoy ti impormasyon maipapan kadagiti aktibidad ti communist-terrorist groups tapno saanen a maawis dagitoy ken tapno maireportda a dagos kadakuada.//Bombo Jez Lapizar
