Nangisayangkat ti ocular inspection dagiti personnel ti Baguio City Police Office Station 8, kaduada dagiti opisyal ken personnel ti City Environment and Parks Management Office (CEPMO), opisyales ti Barangay Camp 7, ken kameng ti City Mobile Force Company.
Kasaruno daytoy iti maysa a report a mining site idiay Camp 7, Baguio City.
Naisayangkat ti nasao nga inspeksyon tapno kitaen ti kasasaad ti lugar a maatap a pagminasan.
Bayat ti pananginspeksyon dagitoy, awan ti nadanonda a tao iti nasao a lugar.
Nupay kasta, nakitada dagiti mining paraphernalia ken mineral waste sadiay.
Gapu iti dayta, dinokumentaranda daytoy babaen kadagiti personnel ti CEPMO.
Sigun kadagiti otoridad, makikoordinara iti Mines and Geosciences Bureau (MGB) tapno maammuan dagiti umiso nga aksion a masapul nga aramiden.
Agtultuloy met iti panangmonitor dagiti otoridad iti nasao a lugar tapno masigurado a maipatungpal dagiti maiyanatip a pagannurotan maipapan iti panagminas.
Nagpalagip met dagiti otoridad kadagiti residente nga ireportda dagiti maobserbaranda nga illegal nga aktibidad ti panagminas tapno maaramid dagiti umno nga aksion.| via Bombo Khey Reparip
