ARINGAY, LA UNION – Manamnama a mapilaan ti kaskenan a kaso ti maysa a maestra ken ti karelasyonna kalpasan a maatap a natiliwan dagitoy nga agnanaig iti uneg ti maysa a classroom iti parapubliko a pagadalan idiay Aringay, La Union idi rabii ti Miyerkules, Marso baente.
Maibasar iti inisyal a report ti pulisya, natiliwan ti mister ken ti anak ti maestra dagiti dua a lamo-lamo iti pagtugawan idi napanda iti pagadalan, alas nuebe trenta ti rabii.
Gapu iti daytoy, kiniddaw ti mister ti tulong dagiti otoridad babaen iti kapitan ti barangay.
Sigun iti asawa ti maestra, mangipila daytoy ti kaskenan a kaso kontra iti asawana ken iti karelasyon daytoy.
Maipalagip nga idi Enero ti agdama a tawen ket napilaan ti administrative complaint ti nasao a maestra gapu iti maatap a panangkabilna iti maysa kadagiti estudyantena.
