BAGUIO CITY – Natiliwen ti maysa kadagiti Most Wanted Persons ken agdama a numero uno a carnapper ti rehion Cordillera iti umuna a kwarter ti agdama a tawen kalpasan ti nasurok dua a tawen a panaglemmengna manipud iti linteg.
Nabigbig daytoy a ni Jonathan Ullagon Pallay alyas Justin Baldong Binwihan, 23-anyos.
Sigun kenni Highway Patrol Group (HPG) Director Police Brigadier General Alexander Tagum, babaen daytoy iti bileg ti warrant of arrest gapu iti kaso a carnapping nga impaulog ti Regional Trial Court Branch 30 ti Bayombong, Nueva Vizcaya kontra kenni Pallay.
Naamuan a ti warrant of arrest ket naibasar iti kaso nga impila ti Provincial Highway Patrol Team – Ifugao idi August 2018 kontra iti nasao nga indibidual.
Binigbig pay ni Director Tagum ti hard work dagiti personnel ti HPG tapnu agtalinaed a natalged dagiti kalsada ken komunidad manipud kadagiti indibidual a kas kenni ‘alias Justin’.
Innayonna a ti panakatiliw ni ‘alias Justin’ ti agserbi a pammalagip kadagiti pangta iti linak ken kappia ti pagilian nga asidegen ti panangsangoda iti linteg.
