BAGUIO CITY – Tubtubngaren ti liga dagiti asosasyon iti La Trinidad Vegetable Trading Post ti maibagbaga a panakaisubli manen ti schedule ti panag-deliver dagiti mannalon tunggal munisipyo iti produktuda a nateng kadagiti trading centers sadiay La Trinidad, Benguet.
Iti interview ti Bombo Radyo Baguio, impetteng ni Agot Balanoy, panakabagi ti nasao a liga, a saan a makatulong ti panakaisubli ti iskedyul ti panag-deliver kadagiti nateng nga immunan a naimplementar kabayatan ti community quarantine.
Imbinglayna nga idi damo ket napintas ti nasao a sistema ngem idi bimmayag ket nakaipaay iti nakaro nga epekto, nu sadino, adda dagiti aldaw nga agsobsobra ti suplay dagiti nateng ken adda met dagiti aldaw nga agkurkurang daytoy.
Malaksid iti dayta, nakapasar iti killaat a pannakalugi ken panakabangkrupt dagiti mannalon gaputa naibelleng dagiti produktoda a nateng ken naipaay kas donasyon.
Innayonna nga iti kanito a maisubli ti nasao nga sistema ket maapektaran ti kalidad dagiti nateng gaputa adda dagiti nalaka nga agbunga ken madadael no maitantan ti panag-apit kadagitoy.
Impetteng ni Balanoy a nasken nga amin a desisyon ken aksion para iti industriya ti nateng iti lokalidad ket mairaman dagiti stakeholders tapnu maikonsidera met ti bennegda nangruna ta dagitoy ti maka-ammo iti epekto dagiti pagalagadan a maipapaulog kadagitoy.
Iti interview ti Bombo Radyo Baguio, impetteng ni Agot Balanoy, panakabagi ti nasao a liga, a saan a makatulong ti panakaisubli ti iskedyul ti panag-deliver kadagiti nateng nga immunan a naimplementar kabayatan ti community quarantine.
Imbinglayna nga idi damo ket napintas ti nasao a sistema ngem idi bimmayag ket nakaipaay iti nakaro nga epekto, nu sadino, adda dagiti aldaw nga agsobsobra ti suplay dagiti nateng ken adda met dagiti aldaw nga agkurkurang daytoy.
Malaksid iti dayta, nakapasar iti killaat a pannakalugi ken panakabangkrupt dagiti mannalon gaputa naibelleng dagiti produktoda a nateng ken naipaay kas donasyon.
Innayonna nga iti kanito a maisubli ti nasao nga sistema ket maapektaran ti kalidad dagiti nateng gaputa adda dagiti nalaka nga agbunga ken madadael no maitantan ti panag-apit kadagitoy.
Impetteng ni Balanoy a nasken nga amin a desisyon ken aksion para iti industriya ti nateng iti lokalidad ket mairaman dagiti stakeholders tapnu maikonsidera met ti bennegda nangruna ta dagitoy ti maka-ammo iti epekto dagiti pagalagadan a maipapaulog kadagitoy.
