Manamnama a maisayangkat ti maika-28th a mass wedding iti siudad ti Baguio inton Setyembre baente singko kas panang-obserbar metlaeng iti 2024 National Filipino Family Week Celebration.
Idauluan met daytoy ti Baguio City Social Welfare and Development Office .
Dagiti kwalipikasyon dagiti agaplikar iti daytoy ket kasapulan a nagkabalayda iti lima a tawen nga awan ti legal impediment ken agpada a nasurok a dua pulo ket lima ti tawenda, karaman iti low income families ken kasapulan metlaeng a residente iti siudad ti Baguio.
Dagiti met requirements ket kasapulan ti affidavit of cohabitation manipud iti Public Attorney’s Office wenno iti siasinoman a legal officer kas kasukat ti marriage license, Community tax certificate (CEDULA) wenno aniaman a valid government issued ID, Philippine Statistics Authority (PSA) issued birth certificate ken Certificate of No Marriage (CENOMAR), copy of birth certificates dagiti annak, ken ti Duly accomplished mass wedding application form manipud kadagiti City Social Welfare and Development Office Units.
Kabayatanna, dagiti aplikante nga addaan iti kompleto a requirements ket mabalinda nga isubmitir laeng daytoy iti City Social Welfare and Development Office idiay Upper Session Road Extension on or before September 3, 2024.
