--Ads--
Nailista ti maikapito a kaso ti uram sadiay La Trinidad, Benguet ita nga aldaw kalpasan ti napasamak nga structural fire sadiay Wangal, La Trinidad.
Iti panakiuman ti Bombo Radyo kenni FO2 Anthony C. Urbano, Fire Investigation Section, kinunana a dumanon iti agarup 30-square meter ti kalawa ti nauram iti open space wenno iti storage ti pine wood sadiay Wangal, La Trinidad.
Sigun kenni Urbano, dumanon iti P45-K ti inisyal a danyos iti uram bayat a manarimaan pay laeng ti imbestigasyon dagitoy iti rason daytoy.
Nagpalagip met daytoy iti publiko a sakbayda nga umikkat kadagiti pagtaenganda ket kitaenda a nalaing dagiti nakasaksak nga appliances dagitoy kasta met dagiti lutlutoenda tapno maliklikan ti uram.
