Inlawlawag ni Assistant Secretary Erel Cabatbat ti Presidential Communications Office a ti pannakaideport kenni sigud a Negros Oriental Rep. Arnulfo Teves, Jr. ket pannakaipatungpal ti linteg.
Daytoy ti kinuna ti nasao nga opisial kalpasan a nadamag nu ania ti komento ti Malakanyang seknan iti statement iti anak ni Teves a ni Axl a mangkukuwestunar iti pannakaala ti amana gaputa awan ti extradition treaty ti Pilipinas iti Timor-Leste.
Pinaglibakan pay ni Cabatbat ti pammabasol ti anak ni Teves a kinidnap dagiti otoridad ti sigud a mammanday-linteg.
Ni Teves ket sumangsango iti reklamo nga adda pakainaiganna iti pammapatay kenni Negros Oriental governor Roel Degamo ken dadduma pay idi Marso a kuatro, dos mil baente tres idiay Pamplona, Negros Oriental.
