USA – Nabirukan ti makabulan a mapukpukaw nga agtutubo kalpasan a nakita iti live stream dagiti content creators idiay Miami, Florida.
Nabigbig ti agtutubo a ni Troy Coleman, residente ti Michigan, USA, nu sadino impagarup ti pamilya-na a pimmusayen daytoy.
Maibasar iti live stream ti dua a content creators, mangmangan dagitoy iti maysa a restaurant idi kellaat a nagna ti agtutubo iti likodan dagitoy.
Sigun iti Flint Township Police Department (FTPD), naudi a nakita ni Troy iti pagtaenganda idiay Flint Township ken atapenda a naglugan daytoy ti bus sakbay a napukaw idi Mayo.
Ngem idi Hulyo 3 babaen iti live stream da Lacy ken Clix ket nakita manen ni Troy a naka-topless ken nakakawes ti green shorts nu sadino naki-angaw pay daytoy kadakuada sakbay a pimmanaw.
Nupay kasta, nakaawat ni Lacy ti mensahe manipud iti nagpaam-ammo a kabsat ni Troy a ni Trent Coleman nu sadino kinunana a dua a bulanen a mapukpukaw daytoy.
Inlawlawag met ni Trent a ti kabsatna ket saan a nakaaramat ti iligal a droga nu diket makapaspasar ti Schizophrenia.
*Schizophrenia is a serious mental health condition that affects how people think, feel and behave.
