BAGUIO CITY – Malamlamayan ita ti bangkay ti maysa nga estudyante kalpasan a nagaboran iti napasamak nga landslide sadiay Tukucan, Tinoc Ifugao
Nabigbig daytoy a ni Orelia Dalmacio a residente ti nadakamat a lugar.
Immunan a naipadamag daytoy a mapukpukaw kalpasan a naudi a nakita idi Mayo 19 sadiay Banooy, Loo Buguias ken paturong koma sadiay Tinoc babaen iti Bayombong Road sadiay Nueva Vizcaya.
Naamoan a inmanehona ti maysa motorsiklo iti nasao nga aldaw.
Nupay kasta, saan daytoy a nakadanon kadagiti nadakamat a lugar ken saan pay macontact dagiti pamilyana.
Immuna pay nga nagkiddaw ti tulong iti social media ti pamilyana tapnu masarakanda ti biktima agingga a nagkamangda iti Tinoc Municipal Police Station idi kalman.
Nupay kasta, nakawat metlaeng ti Tinoc MPS ti awag manipod iti pamilya ti biktima a nabirukanda ti bangkay daytoy a nagaburan iti napasamak a panagreggaay iti kalsada sadiay Barangay Tukucan.
Naituding met a maitabon ti bangkay daytoy ita nga malem.
