Simmuko ni sigud a Palawan Governor Joel Reyes iti National Bureau of Investigation, itay nabiit.
Ni Reyes ket wanted gapu iti pannakairamanna iti pannakapapatay ti broadcaster a ni Gerardo Ortega idi 2011.
Naipasidong ti Reyes iti required processes, bayat nga adda iti pagagasan gapu iti medical condition daytoy.
Nabigbig ni Reyes kas mastermind iti pannakapapatay ni Ortega ken nagtalaw iti pagilian idi 2012, kaduana ti kabsatna a ni Mario Reyes ti agdama a Coron Mayor.
Naaresto dagitoy idiay Thailand idi 2015 ngem nawaya-wayaanda idi 2018 kalpasan nagbayada iti nairekomendar a piyansada.
Nupay kasta, imbilin ti Korte ita a tawen ti panakaarestar manen ni Reyes gapu kadagiti dadduma a kaso daytoy iti Sandiganbayan, mainaig iti Malampaya ken fertilizer fund scams.
Maipalagip a napaltogan ti broadacaster a ni Ortega idiay Puerto Princesa City, kalpasan ti morning radio broadcast daytoy, nu sadino mapagaammo daytoy kas kritiko ti maipagarup a corrupt local officials sadiay Palawan ken kontra kadagiti proyekto ti panagminas iti nasao a lugar.
