BAGUIO CITY- Nasarakan ti maysa a bangkay ti lalaki sadiay Dontogan, Baguio City idi October 25, 2025.
Nabigbig ti lalaki nga agtawen ti 56, stay-in public attendant ti maysa a hotel iti siudad ti Baguio.
Maibasar iti report ti Baguio City Police Office Station 10, nasarakan nga awanan biag ti biktima iti arubayan ti pagnanaedanna sadiay Dontogan.
Sigun kadagiti otoridad, ginandat ti housekeeping supervisor a contact en ti biktima kalpasan a saan a nag-report iti trabaho.
Nupay kasta, saanna a na-contact isu’t gapuna a kiniddawna iti kaaruba ti biktima tapno kitaenna daytoy.
Idiay metten a nasarakan nga awanan biag ti biktima iti frontyard ti pagnanaedan daytoy.
Maibasar iti preliminary assessment dagiti maseknan nga otoridad, maatap a natnag ti biktima iti 5 agingga 6 feet ti kangatona nga agdan.
Sigun pay iti kaaruba ti biktima, nagginum dagitoy ti nasanger nga arak, rabii sakbay a napasamak ti insidente.
Kabayatanna, saan metten nga immanugot ti pamilya ti biktima a maipasidong iti autopsy ti bangkay daytoy.//via Bombo Noveh Organo
