BAGUIO CITY – Nakemmeg ti maysa a lalaki iti buy-bust operation nga insayangkat dagiti kameng ti Baguio City Police Office- Station 10 sadiay Rose Garden, Burnham Park, Baguio City idi Enero 28, 2022.
Nabigbig ti suspek nga agtawen iti dua pulo ket walo (28), tubo ti Balungao, Pangasinan ken agtatrabaho ditoy siudad ti Baguio.
Nakumpiskar kenkuana ti dua (2) a pakete ti maatap a shabu nga agdagsen iti 0.036 grams ken dadduma pay a kontrabando a naaramat iti transaksyon.
Sigun iti opisyal, immunan a nakemmeg ti kakadwana babaen iti buy-bust operation ti sabali pay a BCPO unit.
Nupay kasta, naiturong daytoy iti kustodiya ti pulisya para iti umno a disposisyon ken dokumentasyon.
Sumango ti suspek iti kaso a panaglabsing iti RA 9165 wenno ti Comprehensive Dangerous Drugs Act of 2002.
