BAGUIO CITY – Napadayawan ti maysa a barangay Kagawad sadiay Brgy. Kabayanihan gapu iti kinabannuarna kalpasan nga inispalna ti biag ti nalmes nga 7-anyos nga ubing a babai sadiay Gateway Resort, Bauang, La Union idi April 21.
Iti flag ceremony iti City hall ground, naipaya ti resolution kenni Kgwd. Aldrin Chester Dauz a mangbigbigbig iti nasayaat nga aramid daytoy.
Iti nasao a resolusyon, nakalanad ti inaramid ti opisyal nu sadino agserbi nga inspirasyon maipapan iti kinapateg ti kinasagana ti maysa nga indibidual a tumulong kadagiti agkasapulan, kasta met ti kinapateg ti panakaammo iti basic life support ken first aid tapno makapag-responde kadagiti emergeny situations.
Iti interview ti Bombo Radyo kenni Dauz, naipasidong daytoy iti training para iti basic life support ken impaganetgetna a napateg la unay ti panakammo seknan iti daytoy.
Kidkiddawen met ni Dauz nga amin a barangay kuma ket mangisayangkat ti Basic Life Support training para iti panagresponde kadagiti emergency situations.//Bombo Jez Lapizar
