Pinaglibakan ti maysa a mammanday-linteg a saan nga isuna ti nangibaga nga adda ti kanayunan a budget para iti ayuda nga ipaay ni Speaker Martin Romualdez kalpasan a nagbotos daytoy a maimpeach ni Vice President Sara Duterte.
Daytoy ket maysa nga aldaw kalpasan a naimpeach ni Vice President Sara iti House of Representatives.
Sigun kenni Cagayan de Oro Rep. Lordan Suan, ti agwarwaras nga statement iti social media ket kinaulbod.
Kinunana a saan a nangipaulog isuna ti statement, ken saan a pudno a damag daytoy ken patienna a black propaganda ti statement nga addaan panggep a maiyaw-awan dagiti indibidual ken marugitan ti naganna.
Ni Sua ket maysa kadagiti dua gasut ket lima a kameng ti House of Representatives a nangsuporta iti impeachment ni Vice President Duterte idi Miyerkules.
Kalpasan ti sumagmamano nga oras iti panagbotos, nangi-upload ti facebook page nga addaan ti nagan a “The Working Congressman” nu sadinno maimatangan ti ladawan ni Suan ken ti statement-na.
Ti mapapati a “fake post” manipod iti nasao a page ket agtaltalinaed ken dumanon iti 80,000 reactions, ken ginasgasut a shares ken comments.
