Naiyuman iti istasyon ti kapulisan ti maysa nga indibidual a saan a nagbayad iti hospital bill na.
Maibasar iti report ti kapulisan, nabigbig ti nasao nga indibidual a lalaki nga agtawen iti 72, retiree, ken addaan address a Cabinet Hill, Baguio City.
Ti nasao nga insidente ken inyuman ti lalaki nga agtawen iti 24, maysa a nurse, ken agdama a residente ti Lower Brookside, Baguio City.
Na-admit ti naireklamo idiay Sacred Heart Hospital idiay Assumption Road Extension, Baguio City no sadino addaan daytoy iti Outstanding Hospitall Bill a P54,407.00
Impeksa ti nurse a naadmit ti nasao a senior citizen iti Setiembre 4, 2026 ngem pimmanaw daytoy iti pagagasan a saan a dimmalan iti umno a discharge procedure.
Inkagumaan met ti management ti ospital a kontaken ti senior citizen babaen iti numero ti selpon nga impaay daytoy ngem saanda daytoy a nakontak.
Gapu iti dayta, nagdesisyon ti nurse nga agturong iti istasyon ti kapulisan tapno ireport ti napasamak para iti umno a dokumentasyon. //via Bombo Noveh Organo
