--Ads--
BAGUIO CITY – Pimmusay ti maysa a pulis kalpasan a maatap nga aksidente a napaltuganna ti bagina sadiay Abra idi kalman.
Nabigbig daytoy a ni Police Corporal John Pauk Ayon-ayon, 30 trentay anyos, residente ti Barangay Napo, Sto. Domingo, Ilocos Sur ken nakadestino sadiay Abra.
Iti inisyal nga imbestigasyon, daldalusan ti biktima ti caliber 9mm Taurus Pistol idi aksidente a pimtuk ken timmama kenkuana.
Nagsagrap daytoy ti maysa a tama ti paltog iti barukongna.
Narekober iti naka-pasamakan ti insidente ti caliber 9mm Taurus Pistol ken maysa a caliber 5.56 rifle
Manamnama a maipasidong ti bangkay iti otopsiya kas kiddaw ti maseknan a pamilya.
Agtultuloy met ita ti imbestigasyon dagiti otoridad iti napasamak nga insidente.
