BAGUIO CITY – Manamnama a maipila ti kaso a panaglabsing iti Article 308 ti Revised Penal Code kontra iti vegetable porter kalpasan a nagtakaw daytoy iti P2,920 ti gatadna a carrot a naibiahe sadiay La Trinidad, Trading Post itay nabiit.
Ti agtagikua iti nateng ket agtawen iti 30-anyos ken residente ti Buguias, Benguet bayat a ti suspek ket ni Antonio Castro Balong, 35-anyos ken residente ti Pico La Trinidad.
Iti imbestigasyon ti La Trinidad MPS, inparada ken pinanawan ti witness ti cart na a naglaon iti naka-plastic a carrot a tagikua ti biktima tapno apan manen agbunag iti kanayonan nga ikargana.
Nupay kasta, idi nagsubli daytoy iti ayan ti cart na ket nadiskobre na a mapukpukaw ti maysa a plastic ti carrot.
Gapu iti daytoy, nagpaliiw pay agingga a nakitana ti suspek a nagsubli iti ayan ti cart na ken ditoy a nagala manen ti maysa pay a plastic ti carrot.
Dagus met nga inasitgan ti witness ti suspek ken inturong na daytoy iti La Trinidad Municipal Police Station.
