Impetteng ni Batangas Representative Gerville Luistro nga umdasen ti maysa nga artikulo ti impeachment tapno mapaikat ni Vice President Sara Duterte iti puesto ken madiskwilapika iti panagtaray iti anyaman a puesto iti gobyerno.
Sigun kenni Luistro, apaman a maiprisinta dagiti ebidensya iti upat a reklamo kontra iti bise presidente, agbotos a dagus ti senado kas impeachment court pakairamanan iti isyu ti confidential funds, panangkikil, ‘unexplained wealth’ ken maatap a panagpangta kenni President Ferdinand Marcos, Jr. , First Lady Lisa Araneta Marcos, ken sigud a House Speaker Martin Romualdez.
Sigun pay kenni Luistro, kasapulan ti 16 a botos ti maysa nga artikulo tapno maimpeach ti maysa nga impeachable official ken maipataw ti pannusa a perpetual disqualification iti panangigem iti anyaman a pangpubliko a posisyon.
Inlawlawagna metlaeng a nu kasbilang man aglusolos ni Vice President Duterte, agtuloy latta ti panagdengngeg iti nasao nga impeachment. //bombokaren.c.sapirao