--Ads--
Napilitan ti maysa nga eroplano nga agdisso iti southern Germany nga agturong kuma idiay Milan, Italy gapu iti nakaro turbulence nga intunda ti gurruod nu sadinno siam a pasahero ti nadangran.
Natalged met a nagdisso ti eroplano manipod Berlin, sigun kadagiti lokal nga otoridad sadiay.
Karaman kadagiti nadangran ket ti maysa a babai a nadangran ti ulona, ti dua ti tawenna nga ubing, ken maysa a babai nga agtawen ti lima pulo ket siam a nagsagaba ti sakit ti bukot.
Naagasan amin dagitoy iti ospital karaman dagiti dadduma pay a nadangran.
Kabayatanna, nagkiddaw met ti pammakawan ti airline kadagiti naapektaran a pasaheros ken impasiguradoda a mangipaay ti tulong kadagitoy.
