BAGUIO CITY – Agpapaimbag ita ti maysa a lalaki kalpasan a pinaltogan ti saan pay a nabigbig a suspek sadiay Barangay Calaba, Bangued Abra itay nabiit.
Immunan a nabigbig ti biktima a ni James CabaƱero Alcantara, 42-anyos ken residente ti Barangay Bangbangar, Bangued, Abra.
Iti inisyal nga imbestigasyon ti Bangued MPS, magmagna ti biktima paawid iti pagtaenganna.
Nupay kasta, idi nakadanon iti sango ti maysa a restobar ket nakangeg daytoy ti putok ti paltog.
Nariknana nga adda ti agay-ayos a dara manipud iti tiyan ken iti takyagna agingga a napukawan daytoy ti puot.
Nalagip ni Alcantara a nagdawat pay daytoy ti tulong sakbay a naparalyzed.
Dagus met a naglibas ti suspek idi nakitana a nakadasayen ti biktima.
Narekober ti caliber 45 iti nakapasamakan ti insidente a mapapati nga isu iti inaramat ti suspek.
Agtultuloy ita ti imbestigasyon ti Bangued MPS para iti pakabigbigan ken motibo ti suspek.