Impakammo ti National Disaster Risk Reduction and Management Council a nakailista dagitoy iti maysa a pimmusay nga indibidaul gapu paylaeng iti bagyo a Marce.
Nupay kasta, saan paylaeng a nabigbig ti pakabigbigan daytoy.
Malaksid iti dayta, naipakaammo metlaeng a maysa nga indibidual manipud Ilocos Region ti agtaltalinaed a mapukpukaw.
Kabayatanna, pakabuklan metlaeng ti 261,787 nga indibidual wenno 76,622 a pamilya ti naapektaran idiay Ilocos Region, Cagayan Valley ken iti Rehiyon Cordillera.
Pakabuklan metlaeng iti 13,887 ti agtaltalinaed kadagiti evacuation centers bayat a 12,916 ti agkidkiddaw iti temporaryo a pagtaengan.
Agtaltalinaed metlaeng a saan a passable dagiti dua pulos ket siyam a kalsada pakairamanan dagiti sangapulo ket maysa a rangtay.
