Nagballa-ag iti Department of Information and Communications Technology kadagiti messaging ken online shopping applications a mabalin a maparitan wenno na-ban dagitoy nu saanda nga ikkaten dagiti gambling content.
Sigun kenni DICT Secretary Henry Aguda, naobserbaranda nga umak-akar dagiti gambling operators kadagiti messaging ken online shopping applications kas iti Telegram ken Viber.
Sigun kenni Agud, makitintinnulong itan ti Facebook para iti panakaikkat dagiti gambling pages bayat nga inikkat metten iti shopping app a Lazada ti amin a gambling-related links daytoy.
Immuna metten nga nag-unlink ti GCash ken Maya kadagiti gambling sites.
Kabayatanna, sigun iti nasao a departamento, dumanonen iti 8000 a gambling sites ti naipaikkatda ngem inaklonna nga adda latta dagiti baro a rumrumwar.
