BAGUIO CITY – Nakemmeg ti maysa a miembro ti Sadeek Drug Group sadiay Hamada Street, Baguio City.
Nabigbig daytoy a ni Jerico John Tuazon, 24-anyos, baro, awanan trabaho, tubo ken residente ti Gibraltar, Baguio City.
Nakemmeg daytoy gapu iti kasona mainaig iti iligal a droga.
Naamuan a ni Tuazon ket karaman kadagiti high value target ti Directorate for Intelligence ti national headquarters ti PNP sadiay Camp Crame, Quezon City.
Nakemmeg daytoy babaen iti nagtipon a pwersa ti Baguio City Police Office – Station 2 ken Station 1, Criminal and Investigation Unit, Drug Enforcement Unit ken ti CIDG-Baguio.
Maipalagip a nakemmegen ti lider ti nasao a drug group a nabigbig a ni Christian Alvar Del Prado alyas Sadeek, 37-anyos, tubo ti Sta. Barbara, Pangasinan ken residente ti Baguio City.
