BAGUIO CITY – Manamnama ti panakaaprobar ti pondo para iti panakagatang ti military drones nga aramaten ti siudad ti Baguio.
Kasaruno daytoy ti panakaaprobar ti umuna a panakaibasa ti naisingasing nga ordinansa para iti panakailatang ti P1-million manipud iti city government.
Sigun kenni Vice Mayor Faustino Olowan, awan ti makitana a dakes iti pannakaaramat ti military drones iti siudad.
Innayona pay nga addan ti daduma a lugar nga agar-aramat iti nasao a drone kas iti Metro Manila a makatulong iti seguridad dagiti umili.
Impettengna a dakkel ti maitulong ti military-type drones gapu ta multipurpose ken saan a limitado ti mabalin a pakaaramatanna.
Malaksid iti dayta, mabalin a makatulong ti military drones iti search and rescue missions, disaster prevention ken disaster management, crime scene surveillance, fauna detection, damage assessment, crop and vegetation mapping, ken dadduma pay.//Bombo Jez Lapizar
