Impablaak ti Philippine Coast Guard a ti kaadda ti “monster ship” ti China Coast Guard iti uneg ti exclusive economic zone (EEZ) ti Pilipinas ket maysa a panggep a mangbutbuteng kadagiti mangngalap a Pilipino.
Babaen ti panagaramat ti dark vessel detection technology manipod Canada, na-detect ti Philippine Coast Guard ti maaw-awagan a “monster ship” ti China Coast Guard iti uneg ti 54 nautical miles iti Capones Island idiay Zambales.
Dagos nga indeploy ti Philippine Coast Guard ti BRP Cabra ken maysa a Caravan reconnaissance aircraft tapno ma-intercept ken mamonitor ti barko ti China nga addaan iti registration number 5901.
Kinumpirmar ti Philippine Coast Guard ti presensia ti nasao a barko iti Bajo de Masinloc itay laeng kanikadua.
Maipalagip a ti nasao a barko ket namonitor ken naimatangan idi Hunio idi napalabas a tawen iti BRP Sierra Madre idiay Ayungin Shoal.
Iti agdama, awan pay ti komento ti Chinese Embassy iti nasao a banag.
