BAGUIO CITY – Pimmusay ti maysa a motorcycle rider bayat a nadangran ti lima pay nga indibidual kalpasan nga inarado ti maysa a ten-wheeler truck ti 15 a lugan iti paset ti Bokawkan Road, Baguio City idi rabii.
Nabigbig ti motorcycle rider a ni Jeffrey Bulan Manao, 38-anyos, minero, residente ng Upper Pinget, Baguio City ken daytoy ti maika-pito a lugan a nairaman iti insidente a naideklara a dead on arrival iti pagagasan.
Nabigbig met ti driver ti truck a ni Aldrin Prieto, 29-anyos ken kadwana ti dua a pahenantena ken bin-ig a residente dagitoy ti General Trias, Cavite.
Naamuan a naglaon ti truck iti 14 a tonelada ti abono manipud iti Parañaque City ken paturongda sadiay La Trinidad, Benguet.
Maibasar iti inisyal nga imbestigasyon, pasalog ti truck iti Bokawkan Road idi napukawan ti preno iti paset ti pagilaklakuan ti luglugan iti ayan ti crossing ti Bokawkan Road ken Lower P. Burgos a nagresulta tapnu pumartak ti panagsalogna iti kalsada.
Immuna a dinungpar ti truck ti maysa a taxi iti sangwanan ti maysa a bar agingga iti maikanem a lugan a maysa a hacthback a naidungpar pay iti maysa a poste ti kuryente iti sangwanan ti maysa a bus terminal.
Nadangran dagiti tallo a pasahero ti nasao a hatchback ken amin dagitoy ket naitaray iti gagasan nupay nakaruaren ti dua.
Inokupar ti truck ti kanigid a linya ti kalsada ken sadiay a nagdinnungparda iti motorsiklo nga imanmaneho ni Manao a nagresulta tapnu maibarsak ti biktima.
Na-sideswipe pay ti truck ti maysa a pick-up agingga a naidungpar iti gate fence ti maysa a balay no sadino, nadadael ti dua a kotse iti uneg ti garahe gapu iti debris.
Inokupar manen ti truck ti kanawan a linya ti kalsada ken sadiay a dinungparna ti maika-11 agingga maika-15 a lugan.
Gapu iti insidente, nailista ti minor to heavy damages kadagiti 15 a lugan ken naiwara iti kalsada ti nadadel a paset dagitoy pakairamanan dagiti abono a linaon ti truck.
Iti agdama, addan iti kustodiya dagiti pulis ti driver ken dua a pahenante daytoy no sadino, sumano ti driver iti kaso a homicide with multiple physical injuries and multiple damage to properties through reckless imprudence.
