--Ads--
BAGUIO CITY – Indeklara ti Sangguniang Panlalawigan ti Mountain Province ti state of emergency iti entero a probinsia gapu iti panagngato ti kaso ti dengue fever.
Nagbalin a rekomendasyon daytoy ti Provincial Disaster Risk Reduction and Management Council ti Montañosa iti naangay nga emergency meeting dagiti miembro idi kalman.
Maibasar iti datos ti Provincial Health Office ti Montañosa manipud idi Enero agingga ita a bulan ti Agosto, 503 nga indibidual sadiay ti nakaptan iti dengue bayat a dua ti pimmusay.
Nangatngato ti nasao a datus no idilig iti 117 a kaso ti dengue ken dua nga ipupusay a nailistada iti kapada a panawen idi 2018.
