Nakoronaan ni Mr. Besao kas Mr. Mountain Province 2024 bayat a naala ni Ms. Sadanga ti titulo ti Ms. Mountain Province 2024 iti kaleppas a coronation night a naangay idi kalman.
Nabigbig da Mr. Tadian ken Ms. Bontoc kas 1st runner-up bayat a 2nd runner up da Mr. Paracelis ken Ms. Sagada.
Para iti daduma a pammadayaw, nabigbig da Mr. Sagada ken Ms. Bauko iti Best in Talent; Best in Traditional wear da Mr. Paracelis ken Ms. Paracelis; Best in Swimsuit da Mr. Besao ken Ms. Sadanga; Best in Creative Custome da Mr. Besao ken Ms. Sagada; Best in Formal wear ni Mr. Besao; ken Best in Evening Gown ni Ms. Sadanga.
Ti nasao a kompetisyon ket paset ti manarimaan a 17th Lang-ay Festival a nagrugi idi Abril a uno ti agdama a tawen ken naituding nga agleppas daytoy into Abril a dies.//Mira
