--Ads--
Impakaammo ti Barangay Dalupirip idiay Itogon, Benguet a nailukaten ti Mount Pigingan para iti publiko.
Kagiddan dayta, nagpallagip ti nasao a barangay iti responsable a panagbisita ken panag-hike iti nasao a bantay.
Inyanunsyo pay dagitoy a kasapulanda nga agparehistro idiay Kawajan Checkpoint, Dalupirip, sakbay a rugianda ti panaghike dagitoy.
Nagpallagip pay dagitoy iti panagrespeto iti aglalaw.
Kanayonanna, nagballaag dagitoy kadagiti nakaplano nga agturong sadiay a kitaenda pay nga umuna ti sasaaden ti panawen sakbay a tuloyenda ti aghiking tapno maliklikan ti saan a nasayaat a pasamak. //bombokaren.c.sapirao
