Nakipaset ti munisipyo ti La Trinidad iti pannakaobserbar ti Philippine Arbor Day idi kalman iti tema nga “Inspired by Nature, For Climate, For Our Future’ babaen iti panangimula ti kayo.
Sigun iti pablaak ti Municipal Environment and Natural Resources Office (MENRO), agarup 300 Benguet pine seedlings ti naimula idiay Puguis Communal Forest.
Ti nasao a tree planting ket pinasetan dagiti municipal officials, employees, ken partner stakeholders.
Indauloan met daytoy ni La Trinidad Mayor Roderick Awingan kadua ni Councilor Tyrone Diaz ken Municipal Administrator Franco G. Bawang.
Pinagyamanan met dagiti nasao nga opisyales amin dagiti nakipaset iti nasao a programa pakairamanan ti PLGU Benguet, La Trinidad District Jail – BJMP, La Trinidad Fire Station, La Trinidad Municipal Police Station, La Trinidad Municipal Employees Association, La Trinidad Water District, Valley Bread Inc, TFOE PE-National Cordillera Eagles Region 1/REACT Strawberry Group, Brgy. Puguis, La Trinidad Women’s Brigade, Saint Louis University, Philippine Dental Association – Benguet Chapter, 2nd Benguet Provincial Mobile Force Company, Philippine ANAHAW Force Multiplier Volunteer Society, Baguio Magnolia Lions Club, Mister and Miss La Trinida, ken BSU EnviSci Interns. //bombokaren.c.sapirao
