Inwaragawag ni Ralph Altiyen, mangidadaulo iti Consumer protection Division iti Department of Trade and Industry iti Siudad iti Baguio ken Probinsia iti Benguet a ti nababbaba a presio ti masurot apaman nga adda ti insidente a pannakaalilaw dagiti presio iti produkto.
Sigun kenkuana, masansan a makaawat dagitoy iti reklamo seknan iti saan a panagtitinnunos iti presio kadagiti shelf tag ken counter nangruna kadagiti supermarkets.
Kinunana a kaaduan a rason dagiti supermarkets ket nag-update dagiti merchandiser iti presio.
Gapu iti dayta, inlawlawagna a masurot ti presio maibasar iti naikabil iti shelf tag laketdti nababbaba daytoy.
Kabayatanna, inyunay-unay ti nasao nga opisial a mandato dagiti amin a supermarkets, grocery stores ken dadduma pay a maaddan iti price tag dagiti amin a produkto dagitoy tapno masabet ti pagrebbengan dagiti consumer kas iti right to be informed.
Kabayatanna,kadagiti napalabas a tawen, awan ti naglabsing iti presion dagiti retailers iti siudad iti Baguio ken Munisipio iti La Trinidad.//Bombo mp4
