Ka-Bombo, kasano a napanaganan ka?
Ideya kadi daytoy ti inam, ni tatang mo, wenno anya ti nakaadawanna?
Bueno, ammo yu kadi a naisangsangayan ti nagan dagiti maysa a pamilya sadiay Estados Unidos?
Daytoy ket gapu ta ti nagan dagitoy ket naadaw kadagiti nagan dagiti bulan.
Idi maiyanak ni November June Brown, napagdesisyonan ti pamilya daytoy nga ituloy ti tradisyonda a panangpanagan kadagiti miyembro ti pamilya dagitoy iti bulan ti kalendaryo.
Ti nagan ti lola ni November ket June, ti inana ket April bayat a ti kabsat daytoy ket Hayley December.
Ngem, iti laksid a bulan ti nagan dagitoy saanna a kayat a daytoy ti mismo a bulan a naiyannakanda.
Gapu ta ni November ket naiyanak iti bulan ti Agosto; ti inana a ni April ket naiyanak idi Enero ket ti lola daytoy a ni June ket naiyanak idi Abril ken ti kabsat daytoy a ni Hayley December ket naiyanak idi Nobyembre.
Sigun kenni November, gapu iti naisangsangayan a naganna ket mamingsan saan a mamati dagiti tattao.
Gapu iti dayta nasken nga ipakitana ti Identification card wenno ID daytoy.
