BAGUIO CITY – Maipaspasidong ita iti nainget nga assessment dagiti establishimento ditoy siudad ti Baguio.
Sigun kenni City Assessor Maria Almaya Addawe, adda dagiti agkidkiddaw kadakuada para iti assessment dagiti establishimento iti siudad, pakairamanan dagiti adda kadagiti babbarangay.
Kinunana a 377 ti nagkiddaw para iti assessment ti pasdek dagitoy ngem 74% laeng ti naaprobaran.
Inlawlawagna a daytoy get gaputa naladawda a nagkiddaw ti assessment sakbay ti December 31, 2021.
Innayonna nga adda dagiti pasdek a saan a naipasidong iti assessment gapu iti nagduduma a rason kas iti panakaipatakder ti istruktura iti safeguarded area kas iti watershed ken sakop ti road-right-of-way.
Kabayatanna, inaklon ni Addawe nga adu paylaeng dagiti pasdek ditoy siudad a saan pay a naipasidong iti assessment gaputa adu dagiti kasapulan a maipangruna a ma-assess nga istruktura.
Iti agdama ket mangipatpatungpalda ti tax mapping operation kadagiti babbaranggay tapno mapabarwan ti record dagitoy.
