Nainget ti monitoring dagiti Highway Patrol Group personnels kadagiti nagduduma a terminals iti probinsya ti Benguet partikular iti munisipyo ti La Trinidad bayat ti pannakaipatungpal ti Oplan SUMVAC.
Iti pannakiuman ti Bombo Radyo kenni Police Executive Master Sergeant Analita Perez, Public Information Officer ti Highway Patrol Group-Benguet, kinunana nga agbalballaag dagitoy kadagiti drivers seknan iti BLOWBAGETS.
Nupay ammo daytoyen ti kaadduan, napateg para kenkuana ti panagpalagipda kadagiti drivers tapno maliklikan dagiti saan a nasayaat a mabalin a mapasamak bayat ti panagbiyahe dagitoy.
Malaksid kadagiti drivers, kanayonda met a palpalagipan nangruna dagiti estudyante a kanayonda nga agbalon kadagiti danom tapno maliklikan ti dehydration nangruna ita a nabara ti panawen.
