Nainget ti ipatpatungpal nga imbestigasyon dagiti otoridad tapno mabigbig ti suspek iti napasamak a pammagsol iti 41-anyos a lalaki a nangitunda iti ipupusay daytoy.
Napasamak ti nasao nga insidente idiay Bakakeng Central, Baguio City.
Nabigbig ti biktima a ni Marcial Beso Ventura residente idiay Tinongdan, Itogon, Benguet.
Sigun kenni Ray Pio Cotchero ti kasinsin ti biktima, nagiinom dagitoy idi kamalemanna idi nagdesisyon dagitoy a maturog no sadino naturog daytoy iti second deck ti katre bayat a ti biktima ket naturog met iti first deck.
Nupay kasta, naklaat ni Cotchero idi nakariing daytoy tapno apan umisbo idi nakitana ni Ventura a nakoberan iti bukodna a dara.
Dagus met a nagdawat daytoy iti tulong ken naiturong ti biktima iti pagagasan ngem indeklara ti attending physician a dead on arrival daytoy.
