BENGUET, PROVINCE – Impetteng ni Board Member-elect ken outgoing Bokod Mayor Thomas Wales Jr. a kasapulan ti nasayaat a pannakaadal ti aniaman a mabukel nga ordinansa wenno resolusyon iti probinsya ti Benguet.
Kinunana a panggep daytoy nga amin a sektor ket maaddaan iti napintas ken epektibo a programa a pagnumaran ti publiko para iti panagdur-as ti probinsya a nakalinya iti programa ti agdama a gobernador iti Benguet.
Mainaig iti dayta, impeksa daytoy ti ragsakna iti panangabak daytoy ken kinunana a saanna a ninamnama a manipud iti bassit a munisipyo ti Bokod ket nakagun-od iti dakkel a suporta manipud kadagiti kabangibang a munisipyo.
Nagyaman met daytoy kadagiti amin a nangipaay suporta ken tulong iti panagtarayna.
Inkomitna nga aramidenna ti kabaelanna tapno maipatungpal ti trabahona kas board member iti nasao a probinsya.//Bombo Genzel Depayso
