BAGUIO CITY – Dumanon iti 139 a pamilya wenno 492 nga indibidual iti Cordillera ti naapektaran iti bagyo a karding.
Buklen daytoy ti 47 a pamilya wenno 156 nga indibidual sadiay Abra, 36 a pamilya wenno 98 nga indibidual sadiay Benguet, 39 a pamilya wenno 180 nga indibidual sadiay Kalinga ken 17 a pamilya wenno 58 nga indibidual sadiay Mt Province.
Iti interview ti Bombo Radyo, kinuna ni DSWD- Cordillera Regional Director Leo Quintilla, adda ti sangapulo nga evacuation center, dua sadiay Abra, pilot sadiay Benguet ken maysa sadiay Mt Province.
Agtaltalinaed ita dagiti 63 a pamilya wenno 193 nga indibidual kadagiti evacuations bayat a nakipagnaed met dagiti 76 a pamilya wenno 299 nga indibidual kadagiti kakabagyan ken papagayam dagitoy.
Sigun kenni Quintilla, naipaayan metten ti tulong dagiti apektado a pamilya.
Awan met ti nailista a casualty iti naglabas a dua pulo ket uppat nga oras.
Nupay kasta, impetteng ni Quintilla nga iberberipikarda ti siyam a partially damaged a pagtaengan sadiay Lubuagan, Kalinga.
Agtultuloy latta ti monitoring ken assessment ti ahensiya para iti panakaipaay ti tulong kadagiti apektado a pamilya.
