Pakabuklan a 1,370 a classrooms ti nadadael gapu iti panagdalapos ni bagyo nga Opong ken ti epekto iti Habagat maibasar iti datos iti Department of Education (DepEd).
Iti nasao a bilang, 891 a classroom ti naaddaan iti minor damage, 225 ti naaddaan iti major damage, bayat a 254 dagiti sapasap a nadadael wenno totally damaged.
Malaksid iti dayta, dumanon met iti 121 a pagadalan ti agserserbi kas evacuation centers iti agdama.
Gapu iti nasao a paniempo, 13.3 million nga estudyante ken 569,000 a personnel kadagiti 23,796 a parapubliko a pagadalan ti naapektaran maibasar metlaeng iti datos iti nasao nga ahensya.
Kaadwan kadagiti estudyante a naapektaran ken manipod Bicol Region, Eastern Visayas, CALABARZON, Central Luzon, ken iti MIMAROPA.
Kabayatanna, manarimaan metten ti panakikoordinar iti DepEd kadagiti local governmnet units iti panangiyimplimintar daytoy kadagiti response protocols ken panangisagana kadagiti pagadalan para iti panakaituloy ti klase.
Makikokoordinar metlaeng daytoy kadagiti daduma nga humanitarian partnersna para iti panakaipaay iti technical support ken daduma pay a resources kadagiti naapektaran a rehion.
