--Ads--
BAGUIO CITY – Pakabuklanen a 552 ti bilang dagiti illegal campaign materials a binaklas dagiti otoridad kagiddan ti agtultuloy nga implementasion ti Oplan Baklas saduay Sadanga, Mt Province.
Maitunos daytoy iti paglintegan ti Commissions on Elections para iti 2022 national ken local election.
![](https://img.bomboradyo.com/baguio/2022/04/oplan-baklas-mt-province.jpg)
Nabaklas dagiti illegal campaign materials sadiay Sitio Upokan, Poblacion, Putot, Anabel, Mamaga, Saclit.
Saan a nasurot ti umno a rikud dagiti campaign materials ken saan a naipaskil kadagiti umno a posting area rason a naikkat dagitoy.
Mangnamnama met dagiti otoridad nga agserbi ti nasao nga aktibidad kas adal kadagiti daduma pay a kandidato ken kapartido dagitoy nga agtulnogda kadagiti paglintegan ti COMELEC seknan iti national ken local elections.