Dumanonen iti nasurok siam a milion a balota para iti 2025 midterm elections ti naimprenta, maysa a lawas kalpasan a nagsubli iti National Printing Office.
Sigun kenni Commission on Elections (Comelec) chairperson George Erwin Garcia,maiparparangarang a 9,460,780 a balota ti naimprenta iti National Printing Office.
Nupay kasta, kasapulan pay laeng ti Comelec a mangpataud iti 62,646,420 a balota tapno makompleto ti 72.1 milion a balota para iti 2025 midterm election.
Panggep ti nasao nga ahensia a makaimprenta ti 1.5 milion a balota tunggal aldaw tapno masupusopan ti napaababa a panawen ti panagimprenta dagiti opisial a balota.
Naitantan ti pannakayimprenta dagiti balota kalpasan ti panangipaulog ti Korte Suprema kadagiti temporary restraining orders maibusor iti pannakadiskualipikar ti sumagmamano nga aspirants.
Kinuna ni Garcia a puntiria ti Comelec a malpasda a makaimprenta ti balota agingga inton Abril katorse.
Ti midterm election ket maisayangkat inton Mayo a dose iti agdama a tawen.
