Nanayunan manen ti “assets” wenno kagawaan ti Philippine National Police.
Kasaruno ti pananggatangda ti nasurok a P553 milion ti gatad dagiti lugan ken machine guns.
Sinukimat ni President Ferdinand “Bongbong” Marcos Jr. dagiti baro a nagatang a kagawaan kabayatan ti 123rd Police Service Anniversary celebration sadiay Camp Crame, Quezon City ita a Huwebes.
Sigun iti Philippine National Police, karaman kadagiti sinukimat ti presidente ket ti 20 units ti personnel carrier, 299 units ti light motorcycle, 193 units ti light transport vehicle, 75 units ti patrol jeep single cab ken 155 units ti light machine gun.
Bayat ti panagbitla ni PNP chief Police General Rommel Marbil, kinuna nga agserbi dagiti nagatang a kagawaan tapno mapasayaat iti operational capacity ken tapno maipasigurado ti kinatalged ti komunidad.
Kabayatanna, adtoy dagiti gatad ti baro nga “assets” ti Philippine National Police:
- 20 units of Personnel Carrier 4×4 nga aggatad ti P42,440,000
- 299 units of Light Motorcycle 150cc-Dirt Bike nga aggatad ti P42,727,100
- 193 units of Light Transport Vehicle (Marked) nga aggatad ti P271,165,000
- 75 units of Patrol Jeep Single Cab 4×2 nga aggatad ti P92,475,000
- 155 units of 5.56mm Light Machine Gun nga aggatad ti 104,535,720
Nagatang dagitoy babaen ti pondo iti Capability Enhancement Program (CEP) idi 2022, 2023, ken 2024.
