--Ads--
![](https://img.bomboradyo.com/baguio/2022/08/New-Project-6-1.jpg)
Baguio City – Dumanon iti P149,284,000 a gatad ti educational assistance ti inwaras ti Department of Social Welfare and Development (DSWD) kadagiti kwalipikado nga estudyante idi kalman.
Sigun kenni DSWD Spokesperson, Asec. Romel Lopez, 58,652 nga estudyante ti naipaayanen ti tulong pinansiyal manipud iti 90,000 a puntirya a bilang.
Impetteng na a nagbalin a naannayas ken natalna ti panakaipaay ti nasao nga ayuda kadagiti 200 a payout centers iti entero a pagilian babaen iti nagtipon a pwersa ti DSWD, DILG ken PNP.
Sumaruno ti payout inton Setyembre 3, Setyembre 10, Setyembre 17 ken Setyembre 24.
Inlawlawag ti opisyal nga online ti panagaplikar gaputa saanda nga iyakomodar dagiti walk-in applicants.