--Ads--
BAGUIO CITY – Nadadael ti P7.94-M a gatad dagiti pinuon ti marijuana iti tallo nga aldaw nga eradication operation sadiay Loccong, Tinglayan, Kalinga idi Pebrero 24-26.
Dumanon iti agarup nasurok 21,600 a pinuon ti fully-grown marijuana plants a naimula iti 2,550 square meters a lote ti pinarut ken dagus nga inuram ti operating troops.
Dinadaelda metlaeng ti nadiskobre a 30 a kilo ti napagango a bulbulong ti marijuana ken maysa a kilo ti marijuana seeds.
Nupay kasta, awan ti natiliw a cultivator iti nasao nga operasyon a naawagan ti PNP OPLAN 03 Stinkweeds.
