--Ads--
Nasurok a 10,000 a lugan ti natiliw iti intero a pagilian idi Hunio babaen ti “No Registration, No Travel” policy ti Land Transportation Office (LTO).
Iti statement ita nga aldaw, manipod iti 10,461 a lugan a natiliw idi napalabas a bulan, 9,212 ti naipaayan ti traffic violation tickets bayat a 1,601 a lugan ti naimpound.
Kaaduan kadagiti natiliw a lugan ket ti motorsiklo nga addaan ti bilang a 6,824, simmaruno ti tricyles a dumanon iti 1,787, private vans a dumanon iti 954, private sedans a dumanon iti 451, ken trucks a dumanon iti 230.
Iti sidong ti “No Registration, No Travel,” dagiti naglabsing ket madusa ti P10,000 a multa.
Sumagmamano kadagiti natiliw a lugan ket “colorum” wenno nausar para iti public transportation nga awanan ti permit.
