Guyguyuguyen dagiti otoridad ti publiko a makipaset iti national simultaneous earthquake drill a naituding inton Biernes, Hunio 28 iti alas dos ti malem kas paset ti panagregget ti gobierno a pagsaganaan ti maaw-awagan a “Big One.”
Sigun iti National Disaster Risk Reduction and Management Council (NDRRMC) ita nga aldaw, maangay ti baro nga activated Harmonized National Contingency Plan (HNCP) tapno maisagana ti publiko ti posible a magnitude 7.2 a ginggined gapu iti panaggaraw ti West Valley Fault , nga apektaranna ti Metro Manila ken dagiti asideg a probinsia ti Central Luzon ken CALABARZON.
Dinutukan ti nasao nga ahensia ti taga-Ilocos para iti north sector bayat a ti Cordillera Administrative Region ket iti west sector, ti Cagayan Valley ket east sector ken Bicol iti south sector.
Ti kangrunaan a pakaangayan ti national simultaneous earth quake drill ita a kuarter ket iti Rescue Emergency Disaster (RED) Training Center idiay Pasig City, a pakaisayangkatan ti full-scale exercise.
