--Ads--
BAGUIO CITY – Agtalek ni Baguio City Mayor Benjamin Magalong a napimpintasen ti panakaipatungpal ti night market iti maikadua a gundaway.
Sigun kenkuana, maksayan iti 30% dagiti pwesto nga aglako iti night market isut gapuna nga agi-inadayo itan dagitoy tapno maprebentran ti panagu-urnong dagiti tattao.
Kinunana nga inkari metten dagiti vendors ken dagiti kameng ti otoridad ti panakaipatungpal dagiti pagalagadan seknan iti COVID 19.
Impetteng pay ti mayor a napimpintas dagiti sistema nga ipatungpalda iti maikadua a gundaway a panakailukat ti night market.
Manamnama a mailukat ti night market inton umay a lawas iti kanito a maipinalen dagiti masurot a pagalagadan.
