--Ads--
BAGUIO CITY – Nakemmeg ti maysa nga online seller iti buy-bust operation nga insayangkat dagiti otoridad iti convention center sadiay Military Cut-Off, Baguio City idi kalman.
Nabigbig daytoy a ni Jandel Galosto Lapuz, 28-anyos ken residente ti nasao a lugar.
Nakumpiskar kenkuana ti maysa a pakete ti maatap a shabu ken ti cellphone nga inaramatna iti transaksionda iti operatiba bayat a narekober kenkuana ti naaramat a buy-bust money.
Sumangsango metten ni Lapuz iti kaso a panaglabsing iti RA 9165 wenno ti Comprehensive Dangerous Drugs Act of 2002.
